МагӀалбикерча нувхаш тӀа цӀи ялара бахьанаш тахкар дийхар Мехкадас
31.07.2024 16:53
МагӀалбикерча нувхаш тӀа юха а цӀи яьнна, халача хьале эттар шахьарера бахархой. Келаматанаькъан Махьмуд-Ӏаьлас Ӏалама гӀулакхехи экологехи йолча Министерствонна кулгал деча Хьулахой Саварбика тӀадиллар из хатар сихонца дӀадаккхар, цӀи ялара бахьанаш тахкар. Из хоам «Сердалога» бир Мехкадаь зарбан болх лелабераша.
«Цу тайпара хӀама кхы цӀаькха хилийта йиш яц! Цу хатара бехкевар, гучаваьккха, бехктокхаме оза веза», - белгалдир Мехкадас.
ЦӀи яьннача болх беш боахк МЧС къахьегамхой. Республикерча Прокуратурага, Къилбаседа Кавказерча Ӏалама тӀахьожам лоаттабеча оагӀонга хоам баьб цу хатарах лаьца. Карарча хана, цӀи техараш лохаш, уж бехктокхаме оза лерхӀаш ба уж.
