Келаматанаькъан Махьмуд-Ӏаьлас ГӀалгӀайчен бахархой Кердача шерца даькъалабийцар
Кердача шерца дувзаденна ше ГӀалгӀайчен бахархошка даьча къамаьла юкъе, мехка Кулгалхочо белгалдаьккхар, дӀадода шу атта хиннадеце а, амма 2024 шу беркате хиннилга, цу шера вай дездир паччахьалкхенн 100 шу дизар, кхоачашдир дукха вахара-экономически декхараш.
Даьхе лораеш латтачун шу да аьнна дӀакхайкадаь 2025 шу моаршалца тӀаэцаш, Мехкадас белгалдаьккхар тӀемхой оагӀув хьаллацар лоархӀаме долга, иштта доахаргдолча толамех ше тешаш хилар а хьоахадир цо.
2024 шу кагирхошта къаьстта беркате дар, цар керда таронаш хьаеллаш хилар Гуцаранаькъан Микаила хьалхаленца таьрахьашца дегӀаахара Академи кхоллар. Кагирхой хьаллацарах дувцаш, иштта цо хьоахадир хӀара сага республика дегӀайоалаяра ший дакъа юкъедахьа дезилга, керда шу массанена машаре, иразе, аьттув болаш хулилга лайра цунна.
