Мехкада: Даьхе езаш шоаш хилар гӀулакхашца хьагойтад ветеранаша
ТӀема моттигий доакъашхой Ди дездеш ба берригача мехка, цу гӀулакха тӀатайжа бахархошка къамаьл дир вай мехкадас Келаматанаькъан Махьмуд-Ӏаьлас.
«ТӀема моттигий ветеранаша тахан шоай декхараш, тӀема аренашкара доттагӀал, бувзам дагабохаш; халонех чакхбувлаш, Даьхен моттиг лораеча наькъ тӀа бирсача деношта духьаллатташ шоаш текхар дагалоаца ди да»,- белгалдир Мехкадас. Къаман яхь лораеш, Даьхен моттиг эша ца йолийташ лаьттача наха карагӀдаьннар вай массане йоакхо е езаш да. Мехкадас белгалдир, Даьхен сийдолча къонгий цӀераш вай массахана лархӀа езилга, цар хьабена никъ бовзаш хила дезилга. Къаьстта доккха баркал кхайкадир цо, тахан мехка хӀама лорадеш, къонача бӀухошта нийсагӀдар хьалхадоахаш латтачарна.
«Даьхен бизза къонгаш шоаш болга гӀулакхашца хьагойтад ветеранаша. Ураотташ латтача тӀехьенна масал да уж, вай массахана лархӀа безаш бола эздий къонгаш ба», - тӀатехар мехкадас; ветеранаш иразе, могаш, маьрша, аьттонца, беркатаца шоай вахара никъ дӀахохьо даькъалабувцаш.
