Мехкада: Россе ВМФ – халкъа кхерамзленца дувзаденнараш лораду тешаме оагӏув
Форда-тӏема флота Денца даькъалабийцар Россе цу оагӏонцарча моттигашка къахьегараш вай мехкадас Келаматанаькъан Махьмуд-ӏаьлас. Республикан кулгалхочо белгалдир, ВМФ кхерамзлен оагӏонца двзаденнараш лорадара тӏехьа лоархӏаме болх дӏахьош йолга. Российски фордахой, тхьоврача хана денз, шоай декхараш бехктокхаме кхоачашдеш, лакха говзал йолаш, Даьхен хӏама лорадара тӏехьа фийла болаш хиларца, цӏихеза хиннаб мехка.
«Къаьстта доккха баркал ала лов сона, тахан 2019-ча шера оагӏой бетта 28-ча дийнахьа денз ӏаьржача форда тӏарча флота юкъе долча «Гӏалгӏайче» яхача ракетий хи тӏарча кема тӏа декхараш кхоачашдечарна. Таханарча тӏема кемо вай республикан цӏи лелаеш хилар, дега тоам беш да. Цу гӏулакхо хьагойт; Российски Тӏема-форда флота истореца, ӏадаташца вай республикан бувзам болга. Дог тийша ва со, дӏахойодача хана а «Гӏалгӏайче» яхача ракетий кема тӏара фордахой шоай декхараш иштта тӏехдика токхаш, боккхача мехка - Россе кхерамзлен хьал лорадеш, къахьегаш хургхиларах», - аьлар вай Мехкадас.
Республикан кулгалхочо белгалдир, вай мехкара эскаре амал де ухараш российски кемаш тӏа хӏара шера дукхагӏа хулилга. Кагирхоша къаьстта лакха лоархӏаш да, флоте декхараш кхоачашдеш хилар. Даьхен хӏама лораде ловш хиларо; бера хана денз; яхь, денал, майрал яхараш цӏийца хиларо, къаман цӏи дӏайовзийташ, лакхача боараме шоай декхараш кхоачашдеш къахьега гӏо ду вай къонача мехкахошта – фордахошта.
