ГӏалгӀайчен курсанташца кхетаче хилар Мехкадаь
А.Ф. Можайске цӀерагӀча тӏема-космически академе ше ваха хиларца, республикан Кулгалхочун Келаматанаькъан Махьмуд-Ӏаьлий кхетаче хилар, ГӀалгӀай мехкарча курсанташца. Кагирхой дешаш ба Россе тӀема дешара моттиге, из хьалъяьй 1712 шера Пётр Ӏ хана.
ГӏалгӀай Республикан Кулгалхочун, Паччахьалкхен зарбан болх лелабераша яхачох, академи тахан я РФ герзашцарча низий Министерствон Ӏилма-дешара центр, цо говзанчаш кийчбу тӀема-космически даькъ тӀара гӀулакх леладе, хоамий-коммуникацей технологеш, лаьрххӀа бола хоам гулбе.
«Аз дег чура доаккхал ду вай курсантех, шоай къаман сийдола викалаш хилба царех, вай Даьхе фийла лораеш хургболаш», - аьлар Мехкадас.
Белгалду, ше болх беш йолча укх кхо бӀаь шера, цу дешара моттигера арабаьннаб эзараш профессионалаш, цар мохк лорабара гӀулакха юкъеденад лоархӀаме дакъа.
