Илдарха-Гӏалий тӏара дарбанче Россе толашагӏъярашта юкъе я
«РФ толашагӏа йола унахцӏенон моттиг» яхача къаман яхьашка хьалхабаьннарашта юкъе я, Илдарха-Гӏалий тӏара дарбанче. Хӏара дийнахьа цига къахьегаш волча 118 болхлочо шоай декхараш бехктокхаме, боаггӏача боараме лорадар да из.
«Сердалога» мехкарча цу оагӏонцарча министерстве дийцачох, 44 эзар совгӏа сагага хьожаш ба цу дарбанче. Таханарча ханага хьежжа, тоаяь я из моттиг. Лорий дарба хиларал совгӏа, геттара халача хьале кхаьчача наьха хьал аттача доаккхаш, гӏо ду цига. Цул совгӏа, хала лазар текхачул тӏехьагӏа, дегӏа могашал меттаоттаеш моттиг я дарбанчен коа.
Тӏадоагӏача шера таханарча ханага хьежжа йола поликлиника хьалъе болалургба цига. Дийнахьа 60 гаргга саг тӏаэцаш хургья из. Россе Президента чӏоагӏонца йоаржаяьча «Дӏаьха, кадай вахар» яхача къаман проектага гӏолла дӏахьош болх ба из.
Керда дарбанче йоккха паргӏато луш хургья, унахошта санна цига къахьегача лорашта а.
