Россе яхьашка толамаш даьхар вай каратисташа
20.05.2026 09:44
Орёл яхача шахьаре дӏайихьача Россе чемпионате толамаш даьхар вай мехкарча каратисташа. Из хоам «Сердалога» бир цу оагӏонцарча министерствос.
«Тренераша Шовхаланаькъан ӏаддал-ӏазита, Хазанаькъан Назира кхебаьча кагирхоша дакъа лоацаш, мехка тайп-тайпарча моттигашкара гулвеннача 800 доакъашхочоа юкъе ши майдилг йоаккхаш, белгалбаьлар вай спортсменаш. 90 кг дозал дарашта юкъе котваьлар Мержой ӏамархан, Пхьугой Амира борза майдилг яьккхар, 68 кг дозал дарашта юкъе. Россе гулъяьча тоабанна юкъе хургва шаккха спортсмен, цига белгалбалар бахьан долаш»,- йоах тхога бенача хоамо.
Хьалхагӏа тха газето яздаьдар Россе каратэх йолча яхьашка вай мехкарча тоабо пхи майдилг яьккха хиларах.
