Гӏалгӏайчен паччахьалкхен филармоне Гӏазкхий хор яха хилар, Гӏажарий-Юртарча культуран Цӏагӏа
09.07.2026 09:13
Гӏалгӏайчен Паччахьалкхен Хамхой Ахьмада цӏерагӏча филармоне Гӏазкхий хоро Гӏажарий-Юрта бахача наьха самукъадаьккхар, лаьрххӏа йола кхетаче дӏаяхьарца. Из хетаяь яр дезала, безама, тешама Ди хилара.
«Цу тоабо аьлар, «Гӏалгӏай-гӏазкхий», «Нана-лаьтта» яха иллеш. Цига гулбеннарий самукъадоаккхаш, хозача оазаца декаш дар цар иллеш, дег чура безам тӏабодаш дика цӏай хилар цох. Наха а, чӏоагӏа гӏадбаха, салеӏар, хьаьшашта баркал аьлар.
Из хор каст-каста дакъа лоацаш я йоккхийча фестивалашка, из дукхаза котйийннай, дикача яхьашка совгӏаташ а даьхад, цар лораду тамашийна хоза ӏадатий мах бараш. Хора дукха да халкъа иллеш, уж хетадаь да Даьхенна, хьамсарча мехка, исторена, иштта кхы дӏахо.
