Шолжа кхале шоай начӏал гойташ хилара Паччахьалкхен филармоне гӏазкхий хор
30.04.2026 08:48
Бӏаьстен, Къахьегама Цӏай – маьтсела бетта 1-гӏа Ди хьаотташ, Шолжа кхалерча пенсионни доазон тӏа йицлургйоаца кхетаче хилар. Хьажархошта бӏарчча концертни программа кийчъяьяр филармонерча кхоллама тоабо.
«Овшанаькъан Захира кулгал деш йола цӏихеза Гӏазкхий хор яр ший начӏал гойташ. Массанена дика довзаш дола иллеш дар цар дӏааьннараш. Къаьстта дика довзаш дар цу юкъе «Гӏалгӏай-гӏазкхий», «Нана-Росси» яхараш», - дийцар «Сердалога» филармоне зарбан болх лелабераша.
Кхоана цӏай хьаотталга хоалуш дар цигара гӏулакх. Белгалде деза, филармонера Гӏазкхий хор республике эрсий къаман иллешцара ӏадаташ довзийташ йолга, гӏазкхий, эрсий культурашца дувзаденнараш лорадеш.
