Ерригача Россе яхьашка, толамца белгалъяьлар «Гӏазкхий хор»
20.05.2026 11:30
СКФО толашагӏа йола кхоллама оагӏонцара тоабаш яр, Ерригача Россе «Гӏазкхий гӏоз» яхача фольклорни яхьашка дакъа лоацаш. Вай мехкарча паччахьалкхен филармонера «Гӏазкхий хор» белгала хилар доакъашхошта юкъе.
«Цига цар гойтар «Айса накъаваьккхар аз турпал», «Гӏалгӏай-гӏазкхий» яха композицеш. Гӏазкхий ӏадаташ, культура лоархӏаш бола болх бар кхоллама тоабо кийчбаь хиннар», - дийцар «Сердалога» Паччахьалкхен филармоне зарбан болх лелабераша. ӏӏӏ лоархӏама лауреата Диплом денна белгалбир вай мехкарча тоабан доакъашхой.
Иштта йоккхача федеральни проекта хьалхалаттараша зийра цар начӏал. «Газманов-Родники» яхача оагӏонгара Диплом делар царна. Россе дахаш долча къамий мукъамий оагӏонцара тӏехьале, культура йоаржаеш бола болх бар из.
