ГIалгIайчен гIазкхаша, тIема кийчо яь, шоай говзал лакхйир
ГIалгIайчен Шолжа куран гIазкхий юкъарлон викалаша дика чакхбаьккхар шоай кийчон болх, шин дийнахьа дIахьош хиннача тIема гулламе, из дIабихьар 247-ча гвардейски десантий-штурмовой полке. Iомабалар лаьрхIа дар гIазкхий тIема кийчо лакхъяра, царна герз леладе говзал Iомаеш, иштта лаьрххIача тIема операцен бIухошкара йола мах бола тIема говзал дIалуш.
Кийчон программанна чудоагIаш, гIазкхаша Iомадир герз кхоссара хьалаш, иштта дIайихьар курс тактически, инженерни кийчон, балха керттердараш дайзар, иштта пилот чувоаца аппараташ (БПЛА) яйзар, лоархIаме декхар а малагIа да хайра, лорий новкъостал дара. Къаьстта йола терко тIаяхийтар тохкама балха.
Iомабеш хиннараш бар балха говзал лакха йола инструктораш, бIухой - лаьрххIа тIема говзал йола нах. Цо таро елар гуллама доакъашхошта теоретическидар довзарал совгIа, тIема хьалашка эшаш дола практически кердадараш Iомаде а.
Из Iомавалара гуллам дIахьош хилара маIан дар гIазкхий тIема кийчонга хьажар, иштта хIанз долаш долча тIема доакъошта юкъера бувзам чIоагIбар, тIема мугIарашка латтача бIухошкара мах бола говзал хьаэцар. Цу кхетаченаша таро лу казакий юкъарлон кийчо го, хьалхашка оттадаь декхараш кхоачашдара уж мел кийча ба ха.
