ЦУРе деш дола наьха лоткъамаш цхьан кӏира лохделар 38 процент хиллал
Дӏадахача кӏира республикера хьал леладеча Гӏалгӏай Центре моттигерча бахархошкара 72 дехар дера. Из дӏаяхача хана цу юкъа хинначул 38% кӏезигагӏа да. Цо хьагойт латкъаш бола нах кӏезигагӏа хилар.
«Сердало» газетага ЦУРе ма аллара, укх кӏира мел хиннача хаттарашта юкъе дукхагӏа дар вахара-коммунальни боахама хаттараш, цар дӏалоац лоткъамаш дара даькъ тӏара хьалхара моттиг. Юкъара хьаийцача керттера хаттараш хилар ЖКХ даькъ тӏа, цига 30 хоам бар (41,7%), иштта энергетика даькъ тӏара 29 хоам бар (40,3%). Цу тайпара, хьа мел бенача хоамах цу шин хаттаро дӏалаьцар 80%.
Дукхагӏа хаттараш луш хиннараш республикан йоккхагӏа йолча шин кхалера нах бар. Эггара дукхагӏа Шолжера - 25 хоам (34.7%), иштта Наьсарера - 24 хоам (33,3).
Дерригача бахархоша хьа мел дайтача хаттарашта жоп лургда ЦУРа говзанчаша, уж шоаш доагӏача боахамашка, бехктокхаме йолча администрацешка дӏахьожадергда.
