Наьсарен РДК тоабо харжархой хьаллаьцар
19.09.2026 23:54
Наьсарен культуран Цӏен тоабо йоккха кхоллама майда йоаржайир №722 йолча хоржамий даькъ тӏа, из дар Эккажкъонгий-Юртарча юкъарча дешара ишкола гӏишлон хьалхашка. Культуран- салоӏама моттига кхоллама викалаша гойтар кхадж тасса баьхкарашта концерта программа, боккъонца дола цӏай хилар цох моттигерча бахархошта.
«Из программа хозйир шоашта керте Гӏалгӏайчен халкъа артист Хулаганаькъан Артур а волаш, иллиалархой кружоке ӏомалучар. Къонача артисташа Баьтаранаькъан Хьавас, Беканаькъан Бэллас, Бохтаранаькъан Саидас, Аминас шоай начӏал гойтар гулбеннарашта. Цига хиннарий дегаш гӏоздаьлар», - аьлар «Сердало» газетага Наьсарен кхален культуран Цӏен кулгалхочо Дзейтанаькъан Темарлана.
Къонача артисткаша шоай ашарашца тоадир из лоархӏаме ди.
