Кагирхой гӏулакхех йолча комитета кулгал деш, Пхьошанаькъан Зоврбик хургва
Республикерча кагирхой гӏулакхех йолча комитета кулгал де Пхьошанаькъан Зоврбик оттавеча амара кулг яздир вай мехкадас Келаматанаькъан Махьмуд-ӏаьлас. Цхьан юкъа кулгалхочун декхараш кхоачашдеш волаш къахьегаш вар из цига. « Паччахьалкхен кагирхой политикаца болх дӏахьош йола моттиг я тахан кагирхой гӏулакхех йола комитет. Мехкарча къонабарий гӏулакх хьаллоацаш, гӏо деш хилар доаржадеш, кагирхой проекташца болх дӏахьош йола моттиг я из»,- дийцар «Сердалога» мехкарча паччахьалкхене.
Кагирхой гӏулакхех йолча Комитета кулгал деш хиларга хьежжа, ураотташ латтача къонача тӏехьенна цхьацца пайдане хургдола гӏулакхаш доаржадара, гранташка кхачара тӏехьа гӏо де дезаш ва Пхьошанаькъан Зоврбик.
Ма дарра аьлча, боккхача балха хьалха латта везаш ва из, гӏо деш леларий проекташ йоаржаеш, къонабараш зуламе долча хӏамаех лорабеш, шоай ха кагирхоша пайда болаш дӏахьоргйолаш.
Керттера декхар – моттигерча кагирхошта доккхача дикашка кхача новкъостал дар.
