Магасе «герга истол» дӏахьош, лоӏамхой ши ноахал вӏашагӏтехар
Гӏалгӏайчен лоӏамхоша Тароний центра даькъ тӏа дӏадихьар «герга истол». Цига дакъа лоацаш бар кагирхой болама гӏончаш, «доточа» волонтёрства викалаш. Кхетаче дӏайихьар, шоайла безаме къамаьл деш. Шин ноахала викалаша дийцар лоӏамхой балха даькъ тӏара пайда эшаш йолча моттигех, иштта цу балха нах дукхагӏа юкъеахарах.
«Доккхагӏча ноахала викалаш шоашта ховш дар хьалхадоаккхар, цар дийцар моллагӏа хӏама дег чура деш хилча, из нахага дӏакхоачаш хиларах. Шоай аргӏагӏа кагирхоша волонтёрий болх дӏабахьара кердадараш могадир. Ха мишта яхар а ца ховш дӏаяхар, иштта чӏоагӏа безаме, эшаш къамаьл дар кхетаче дийцар», - аьлар «Сердало» газетага лоӏамхой Тароний центре.
Кхетаче дӏаяхьара керттера чаккхе, цига деррига лоӏамхой ноахалаш чудоагӏаш хилар яр. Цо таро лу хьалхашка латта декхараш дикагӏа кхоачашде.
