Мехкара КСВО, Шолжа кхален администраци вӏаший бувзам лелабеш хургья
17.05.2026 01:03
Даьхен лорабой дезалий Комитета мехкарча штаба хьалха латтача Эсамарзанаькъан Ӏалаудина кхетаче хилар Шолжа кхален администрацена кулгал деча Татенаькъан Ӏисайца. Вӏаший бувзам лоаттабеш, цхьана болх дӏабахьа чӏоагӏо йир хьакимаша. «Сердалога» из хоам бера цу моттигера.
Тӏема операце доакъашой дезалашта гӏо лоаттадара болх цхьана дӏабахьа лерхӏаш ба уж. Даьхе лорае арабаьннарий вахаре дукха гӏулакхаш хул вахара моттигашца, юридически, психологически оагӏонца гӏо эшаш, терко лоаттае езаш.
Татенаькъан Ӏийсас белгалдир, из болх дӏабахьар тахан эггара керттерча декхарех долга. Администраце кулгалхо дог тийша ва; болх цхьана дӏахьош хилар боккха пайда боалаш, беркате хургда, аьнна.
