Магасерча мерза даараш кийчдарах болча говзанча хьехамо гулдир СВО бӏухой бераш
«Даьхен лорабой» яхача ганза мехкарча филиала болхлоша Магасе дӏабихьар СВО доакъашхой берашта лаьрхӏа тайп-тайпарча мерзача даарех бола хьехам балара болх. Цига даьхка хилар РФ Турпала Боканаькъан Мусафай бераш а.
«Сердалога» из хоам бера цу моттигера. «Брауни» яха кондитерски хьакхеллача Цисканаькъан Луизас дукха хӏама довзийтар берашта. Цо тӏахьожам беш, де дезар хьалхадоаккхаш, тайп-тайпара мерза хӏамаш хьайир бераша, чӏоагӏа раьза долаш. Массабараш дог айденна болаш; чӏоагӏа хоза, беркате болх хилар цох.
Шоаш кийчдаь мерза даараш цӏагӏарчарга чам боаккхийтаргболаш цӏадихьар бераша», - дийцар тха газетага. Белгалде деза иштта йолча кхетаченаша берашта юкъе боккха пайда боаржабелга. СВО доакъашхой берашта ма хулла терко лоаттае хьож тхо тахан», - дийцар тхога ганза болхло йолча Налганаькъан Танзилас.
