Шолжа кхален культуран болхлоша баркал аьлар Паччахьалкхен Думан депутата
Шолжа кхален культуран Цӏен болхлоша баркал аьлар Паччахьалкхен Думан депутата, «Цаӏ йолча Россе» парте доакъашхочоа Татренаькъан Муслима, цо харжархой дехараш сиха кхоачашдарах.
«Тов бетта 4-ча дийнахьа, хоржамаш дӏадахьара кийчо еш, тха культуран-салоӏама моттиге Илдарха-Гӏалан, Шолжен, Шолжа кхален нах тӏаэцаш волча хана, Татренаькъан Муслима теркалдир, актови зале кондиционер цахилар. Культуран Цӏа бахархой салоӏама керттера моттиг я. Цига кхетаче дӏахьош нах гулбелча, кондиционер чӏоагӏа эшаш яр. Татренаькъан Муслима сиха кхоачашдир из гӏулакх, тов бетта 11-ча дийнахьа керда шиъ кондиционер оттайир», - аьлар «Сердало» газетага Шолжерча РДК кулгалхочо Матенаькъан Ӏайшета.
Паччахьалкхен Думан депутатага Татренаькъан Муслима карагӏдаьннар беогалдеш, Гӏалгӏайчен культуран болхлочо Матенаькъан Ӏайшета баркал аьлар. Дег чура ловца баьккхар; из могаш, ираз долаш, ший балха тӏа кайоалаш хилар ловш.
