ИнгГУ ВУЦ курсанташта дийцар БПЛА доакъошка амал дарах
Гӏалгӏай паччахьалкхен университета тӏема дешара центра курсантий кхетаче хилар, республикан комиссариата викалашца, Магаса контрактах тӏема амал дарах йолча пункта болхлошца. Студенташта дика довзийтар контрактах тӏема амал дара хьалаш. Къаьстта терко тӏаяхийтар дика дегӏадоагӏаш латтача укх заман эскара-пилот чувоацача аппараташца болх беча доакъошка амал дара.
«Къамаьл деш курсанташта довзийтар амал дара хьалаш, иштта бӏухой хьаллацара паччахьалкхено БПЛА балха даькъ тӏа деш дола новкъостал. Цига эш дийша, хӏамах кхеташ, бехктокхаме вола саг, иштта лакха технологеш йолча балха даькъ тӏа лакхвала безам бар», - аьлар «Сердало» газетага ИнгГУ зарбан болх лелабераша.
Даьхен лорабой таро хилар, Россе Герзашцарча низий мугӏарашка профессиональни дегӏаахара таронаш йовза, дӏахо шоай никъ лаьрххӏача хьалашка харжа.
