ЛДПРо Минфинага дех, 3% йола «Халкъа ипотека» яха программа дӏайолаяр
Парте кулгалхочо Слуцкий Леонида белгалдир, дукхача мехкашка ипотеках квартира эцаро, цу сага хьадоагӏаш дола бӏарчча алапи цох дӏадала дезаш хулийт, цудухьа наьха таро яц шоашта фусамашца ӏалашо е.
«Оаха, ЛДПРа хьалхадоаккх «Халкъа ипотека» хьае езилга. Цун йоала боарам 3% хургйолаш, мехка моттигашка долча 6 миллиона тӏара, иштта столице латташ долча 12 миллиона тӏара, из юхаденна вала веза ха 30 шерга кхаччалца я, юххьанца дӏачулур 15% я», - аьлар цо.
Цо яхачох, из программа лелае йиш хургья шоай вахара хьалаш тоаде дезача наьха; цу юкъе 35 шу даллалца ха йола къона говзанчаш, бюджета даькъ тӏарча болхлой, студенташ, къона да-нана долаш.
«Из лаьрххӏа еш йола кӏийле я, дезал чӏоагӏбеш, берий хургдар ӏалашдеш, беррига мохк дегӏабоалабеш», - аьлар Слуцке.
Кхайкарал тӏа белгалдеш ма хиллара, 2026 шера кӏимарса бутт дӏаболалуш гучох кредиташ дезалашка дӏакхачара хьал аттачарех дац. Слуцке яхачох, ипотеках бала беза мах, дукхагӏа йолча моттигашка сага хьаэцаш дола алапи миссел ба, цудухьа наьха таронаш яц фусамаш эца.
