Яндарерча культуран Цӏагӏа литературан сайре дӏайихьар
Вай къаман цӏихезача йоазонхошта Малсаганаькъан Зоврбика, Осменаькъан Хьамзата, Базорканаькъан Идриса хетаяь литературан сайре дӏахьош хилар Яндарерча культуран Цӏагӏа. Гӏалгӏай метта, литературан итт денна хетаяь яр из сайре.
«Культуран Цӏагӏа болх дӏахьош йола Йовлой Мадина яр из кхетаче вӏашагӏъеллар. Литература дезаш бола зӏамига хьаьший бар цига баьхкараш. Гӏалгӏай литературан классикий толашагӏа дола йоазош дар цига дийшараш. Лакхе цӏераш яьхарий йоазош тӏара доакъош цар дешача хана, массавар тийнна ладувгӏаш вар. Кулгалхошта, берашта шоашта ма хетта дӏаяхар ала йиш я из лоархӏаме кхетаче», - дийцар «Сердалога» цу моттигера.
Литературан низ бовзийташ дола цӏай да ала догдоагӏаш хилар, вай къаман литературанна хетаяь из сайре. Иштта йола кхетаченаш чӏоагӏа лоархӏаме я вай къонача тӏехьенна, кхувш латтарашта шоай къаман литература дезадолийт цар.
