Лаьжгера ДК дакъа лоацаш да республикан экологе бетта юкъе
ГӏалгӀай мехка «Экологе хьал тоадар» яхача къаман проекта чубоагӀаш, республикан юкъара экологе бутт дӀаболабелар. Доазонаш цӀендеш, боккха болх дӀахьоргба, бекарга бетта 4-ча денгара 25-ча денга кхаччалца. Жӏайрахьа кхален культуран Цӏен болхлой хьалхарчарца цу гӀулакха кийчбелар.
«Ер шу, вай мехка экологе Шу да аьнна хьакхайкадаь да. Латташ йола ха догӀаш делхаш, хувцамаш долаш хилар чу а лоацаш, оаха цхьа ди хьалха дӀаболабир из болх. ДК кулгалхочо Хутенаькъан Ӏамархана кулгал деш, боккха кийчон болх дӀабихьар. Моттиг ший тайпарча айеннача уллаш хилар бахьан долаш, оаха хьалххе а уйла йир баьццара доазув кийчдара. ДикагӀа йола гаьнаш ийцар дӀайогӀа, иштта Ӏаьржа лаьтта дера», - аьлар «Сердало» газетага культуран-салоӀама урхаллене.
Керттера балхаш дӀадихьар «Коталон Беш» оалача даькъ тӀа, из я цу лоаман юрта дагалоаттама моттиг. Цар дӀаегӀар керда гаьнаш, шердир баьццара доазув, дӀадахача шерара буц дӏахьекхар, гаьнашта кӀир техар, иштта гӏашлой наькъаш цӏендир. «Экологи дӀайолалу вайгара, вай болх беш долча моттигашкара», - аьлар Хутенаькъан Ӏамархана.
Лаьжгерча культуран Цӏенна из белхий бар, хьалха дӏаболабаь боккха болх дӀахо дӀабахьар дар. Укхаза цу тайпара балхаш дукха даьд, уж а хетадаь дар экологе шера.
Дика вӀашагӀбелла болх дӀабахьарах, «Коталон Беш» яха доазув хувцаделар, из кхы а хозагӀа хилар. Белхий бара бутт дӀахо дӀахьош ба, цу тайпара гӀулакхаш укх бӏаьсти кхы а дукха дергда.
