Тийшача балхах «Мерседес-Е210» чархаш йохкаш хиннар лохаш ва
Наьсарерча бокъонаш лораераша тохкаш ва интернете гIолла машина чархаш йохкаш я аьнна, 80 эзар сом сага зе даь зуламхо, яхаш, дийцар «Сердало» газетага мехка МВД.
«Наьсарен полице отделене вера, «Мерседес-Е210»» автомобила 80 эзар 600 сома маьхах йиъ чарх вахара бувзамашка гIолла ийца саг. Сергей яхача сага, ше тика администратор ва, аьнна, цунга машина йиъ чарх ехкай, цар мах картага гIолла хьа а ийца. Бакъда ше ахча хьаийцача, из вайна дIаваьннав. Чархаш а хьаяйтаяц, ахча а дайнад», - аьлар бокъонаш лораераша.
Полице болхлой болабелар зуламхо лаха, цо наха тийшабалхаш леладеш хилар бахьан долаш.
Мехка бахархошта юха а хьалхадоаккх, малашб ца ховча нахагара, маьха чухьнахьа яр аьнна, интернете гIолла хIама эца, царга шоаех бола хоам бе йиш йоацилга.
