Вахара хьалашка диллача, толаш йолча шахьарашта юкъе я Магас

РФ. ВЭБ индекса тахан белгалдечох, ГӀалгӀайчен къона шахьар Магас хӀара денна вахар тоалуш латтача шахьарашта юкъе моттиг дӀалоацаш я. РФ.ВЭБ кулгал деча Самохин Андрейс теркалдечох, гӀишлой хьал, экологеца дувзаденнараш лорадарца бувзабенна ба из аьттув. Тахан Казана, Нижневартовска нийсса, ший бахархой хьал дикача оагӀорахьа тоадарех я Магас.
Къаьстта тоалуш латт экологе хьал. 54,6 балла тӀара 68 баллага кхоачаш тоаденнад из гӀулакх. 65%-га кхоачаш болча бахархоша белгалду, Ӏалам лорадара тӀехьа боккха болх шахьаре дӀакхухьилга. Магасерча хин, фон раьза болаш ба тахан цигара нах - 4,3; 4,1 баллашка кхоачаш да из гӀулакх, цар яхачох. Шахьара моттигаш тоаяра тӀехьа йолча федеральни проектага гӀолла, дикка хувцамаш юкъедоаладаьд керттерча шахьаре.
«Даьре никъ» яхача парке маьлха хьарака хьисапе дола, 15 метр турах латта кхуркхолг оттабаьб, иштта хӀара денна тоадеш латт спорта лаьрхӀа доазош, кхыйола моттигаш. Магасерча бахархоша тахан теркалдер: 83% наха чӀоагӀа хоза, цӀена шахьар лоархӀ Магасах, цигарча арара гӀар-тата да аьнна хетараш 7% мара бац. РФ ВЭБ Индекса юкъе йолча шахьарий хьал теркалдича, вайцига кхозза лохагӀа латт къаьстта из хьал.
ЦӀеной ковнаш, гонахьара моттигаш хоза тоаеш хилар белгалду бахархоша - 5 баллах 4,2 баллага кхоачаш да из гӀулакх. Цо хьагойт, ГӀалгӀайчен эггара къонагӀа йолча шахьара куц хӀара денна эргадоалаш, бахархошта тоам беш долга.