Магаса единороссаша хьаллаьцар зӏамагӏбараш
«Цаӏ йолча Россе» парте моттигерча даькъо лаьрхӏар, «Денала кӏопилг» яха дикача гӏулакхий Ерригроссийски болам хьаллаца. Проект лаьрхӏа я бераш психологически хьаллацара. Уж бераш дукха кӏираш, бетташ доахаш лорий центрашка, стационарашка дарба де дезаш хул.
«Цу боламе дакъа лоацаш хилар единороссаш, шоашта керте моттигерча даькъа секретарь Дарсиганаькъан Хаваж-Бахьаудин волаш. Партийцаша «Денала кӏопилг» яхача моттиге дӏаделар ловзоргаш, кхоллама лаьрхӏа гӏирсаш, книжкаш. Уж хилча кӏеззига мукъагӏа аттача даргда царна лорий гӏулакх дара хьал.
«Денала кӏопилго» берригача мехка къахетаме нах вӏашагӏбетта итт шу совгӏа ха я. Ерригача Россе, мехка, моттигерча парте доакъошка лаьрххӏа боксаш оттаю юкъарча штабашка бераш хьаллацара», - аьлар «Сердало» газетага Гӏалгӏай мехкарча «Цаӏ йола Росси» яхача парте.
Магаса единороссаша белгалдир, берашта дарба дара эшараш молхаш хинна ӏац, царна эш гонахьара хьал дика хилар. Цу совгӏаташка гӏолла царна хоалуш хул шоашта еш йола терко.
