«ПАОК» ФК толашагӏа вола футболист хилар Оздой Мухьмадах юха а
«ПАОК» ФК толашагӏа вола футболист ва, аьнна, белгалвир укх бетта Оздой Мухьмад. Из хоам «Сердалога» бир футболах йолча Федераце президента.
«Лакха говзал гойтар вай футболиста. Укх бетта дӏадихьача ловзара юкъе дикка белгалваьлар из тоабан оагӏув цӏенхаштта хьаллоацаш. Дӏабахача бетта эллиной клуба пхе ловзара юкъе дакъа лаьцар цо, царна юкъера йиъ - стартови оагӏонца. Къаьстта йоккха терко тӏаэзар «Левадиакоса» духьала ловзаш Мухьмада гойтача хӏамо. «ПАОК» котйолаш, 3:0 хулаш чакхдаьлар ловзар», - дийцар тха газетага.
2026-ча шера тушоле бетта Эллиной мехкарча толашагӏа болча футболисташта юкъе хилар из. Хьалхагӏа оаха «Сердалога» гӏолла хоам баьбар, Мухьмад лайчилла бетта хиннача ловзара дикагӏа вола футболист ва, аьнна, цӏи енна хиларах.
