Келматанаькъан Махьмуд-Iаьлий вIашагIкхетар хилар Газзаев Валереца
Глава Ингушетии Махмуд-Али Калиматов встретился с депутатом и председателем Комитета по делам национальностей Государственной Думы Российской Федерации Валерием Газзаевым, сообщили газете «Сердало» в пресс-службе руководителя региона.
Цар дийцар хьатIайоагIача хоржамий ханах, иштта, коронавирус хилар бахьан долаш хоржамаш дIадахьа мел хала хургда а.
Газзаевс белгалдир, дукхагIча даькъе видео-конференц-бувзамах мероприяти дIахьош хилар а, этта хьал лазарца дувзаденна чоалхане дар аьнна, паччахьалкхен политически вахаре хIара вар, дакъа лаца декхарийла хиларах а.
Иштта, цар терко тIаяхийтар тахан дукхагIча даькъе кагийбарий унахцIенонна, спорта хьаькъе дикагIа уж дегIабара долча хаттарашта, цул совгIа депутата дийцар, ше къамий хаттарех йолча Комитета кулгалхо хилара тарра, къамашта юкъерча хьалех а.
"Къилбаседа Кавказа хIара республика вахархо декхарийла ва, ше волча моттиге наха юкъе барт бара, этта чоалхане хьал аттача даккхара, машар хургбола оагIув лацара. Вай дахаш дола моттиг хьаша-да тIаэцарца цIихеза я, цIихеза я лоалахошца дика гIулакхаш леладеш хиларца а, из оагIув лорабе беза вай",- аьлар Келматанаькъан Махьмуд-Iаьлас.
Иштта, цар дийцар Къилбаседа-Кавказа федеральни даькъа тIара бахача, Токио дIахьош йолча олимпийски яхьашка Россе сборни чубоагIача спортсменаша дика толамаш даьха хиларах а.
Газзаев Валерас даькъал вийцар ГIалгIай республика Кулгалхо, греко-римски латарах йолча яхьашка гIалгIай спортсмен котваларца, цу юкъе хIара майдилг мелла чIоагIа лоархIаме я, белгал а деш.
