«Кхоачамбоацараш дӀаьхача шерашка хьаӀайна латташ да, хӀаьта тахан деррига тоаде деза ха я. Мехкара хиш воча хьале да, хӀаьта наха мелаш дола хий дикка кхерам боаржабеш да. Цу юкъе да бӀеха хиш дӀаухийташ бола болх боаггӀача боараме, таханарча хано дӀадеххача тайпара кхоачашбаь цахилар, кхаьч-кхаьчача начӀаса лаьрхӀа кӀоагаш дахар, бӀеха хиш дӀаахийтара тӀехьа тӀахьожам цахилар.

Цу дерригача кхоачамбоацараша лаьттан кӀалхара хиш бӀехду, иштта наха хий мелаш йола моттигаш а», - белгалдир вай мехкадас Келаматанаькъан Махьмуд-Ӏаьлас. Мехка кулгалхочо уж хӀамаш боаггӀача боараме лорадара тӀехьех бахархой, цу оагӀонцара болхлой.

Из болх мехка даггара тоабеш латте а, бахархошта юкъе доаржаде деза, из оагӀув тахан геттара чӀоагӀа лорабе безилга, экологе хьал тоадар хӀара сага лоархӀаме декхар долга. Из деррига бахархошта дӀадовзийтара тӀехьа йоккха кампани я йоаржае лерхӀар.

Цул совгӀа, мехкарча хӀара моттиге дӀахойодача хана дӀабахьа безача балха къоастам бе беза. Цу гӀулакха тӀахьожам лоаттабеш хургья прокуратура, РосӀаламтӀахьожама оагӀон болхлой юкъе бола тоаба. Эггара хьалха мехка мел йолча хин моттигий хьал тахка деза цар.

Къаьстта йоккха терко лоаттае лерхӀ экологеца дувзаденнараш лорадарах болча оагӀон къахьегамхой балха. Администрацешкарча кулгалхошта тӀадиллад, шоаш доал деча моттигашкара экологически хьал тоадеш дӀабахьа лерхӀа болх гойта, аьнна.

Мехкарча массайолча моттигашка гӀолла чакхбаккха безаш боккха болх ба Дала вайна хьаденна беркате, хоза Ӏалам лорадар, цун хьал тоадергдола болх боаржабар.

Кхоачашде аьнна лаьрхӀараш боаггӀача боараме чакхдоахе, хӀара моттиго ший декхараш бехктокхаме дӀахьой, Ӏаламах дог лазаш вай хуле, деррига аттачахьа, дикача оагӀонгахьа дерзаргда, Даьла къахетамца. Вайна массанена хьалхашка латта доккха, лоархӀаме декхар да экологе хьал тоадар.