«Селхан хьаяьккхар оаха Атомни тока станци, хӀаьта хӀанз гобаьккха дӀалаьцача ГАЗ-66 дӀа-хьа ухаш лел со сай тоабанца»,- дагаух цунна. Сов сиха деррига хувцалуш, хинначох кхета кхензар вай мехкахочун. Цхьа дохк латтар бӀаргашта хьалхашка, еррига уйлаш кегаеннаяр...

ТӀаккха кхетадир цо, ший мел бола низ ураоттабаь, эттача халон юкъера хьааравала хьажа везилга. ХӀаьта цу миноте чӀоагӀа накъаяьлар цунна тохкам бе ухаш Ӏомаяь говзал. Пхьарсах доаллача сахьатага хьежаш, цигара моттигаш дика Ӏомаяь хиларах, моастагӀа тӀакхачале 15 совгӀа тӀема машин араяьккхар цо хьун юкъера.

Топографецара кхетам дика хиларах, бӀухошта хайра мишта, малагӀча наькъашка гӀолла кӀалхарбовла беза. Иштта хӀама эттача, саг хийла кегавеле, вехе хьовз, бакъда тӀема аренашка иштта хьовза йиш яц. Ӏалиханах лаьца тхона дийцар вар цун тӀема новкъост.

Белгалде деза, карарча хана тӀема аренашка Даьхе лорае арабаьнна хало озаш вай дукха къонгаш болга. Цу наьха цӀераш массахана дагалоаттае еза вай, цар сий де деза. ТӀема юкъе эшаш йола говзал, кадай хьовза хар довзийташ да ер истори. Кхерам тӀабенача хана, веха ца хьовзаш, ше а шийна гонахьара нах а кӀалхарбаха хьажар, денал хилар да. Хам баь, мах баь варгвоацаш да иштта новкъост уллув хилар!