Цо тешал ду, цар дезала юкъе барт, цхьоагӀо, йӀайха гаргалол, безам хилара.

Укхаза дика хоалуш да дезалашта, даьна-нанна юкъера гIулакх. Сулейман Хьусен ва ОМОНа хинна командир. Вай деношка, цун дезал Даьхенцара безам, денал, майрал долаш ЛаьрххӀача операце даькъ тӀа тӀом беш ба.

Тӏема гӀулакх леладеча викала цӀагӀа нийсбелар хьоашалгIа баха СВО ветераний Ассоциаце кулгалхо Саккхаланаькъан Муса, Шолжа шахьара кхела кулгалхо Оздой Ингисхан, ГӏалгӀай стоматологически института кулгалхо Ӏарчакханаькъан Ахьмад. Уж чӀоагӀа цецбаьннабар цар фусамерча хьалах, даь-наьна гӀулакхах, лоалахарча нахаца уж безаме хиларах, дезалцара Ӏи-морзо ца йоаеш, уж Даьхенна накъабоалаш хургболаш цар хьалкхебарах, деррига а цецвоаккхаш дика дар цу дезале.

-Шунбар санна дезал хилар - из вай берригача мехка доккхал де мегаргдолаш хIама да. Шо дийна масал да - тешама, декхара кхетадара, боккъонца долча дезалерча мах барашца дувзаденна, Даьхенцарча безамца дезал бахаш хилара»,-аьлар Саккхаланаькъан Мусас.

Шеко йоацаш, бакъдолчун тӀехьа хилар ноахалгара ноахалга кхоачаш дӀадодаш да, цар ма дарра кхетаду декхар кхоачашде дези - лга.

Хьусена, Мадинас шоай дезала дегашка дитад дикагӀа мел дар, дукханешка дӏакхоачаш доаца. Уж дика даьй ба ялх дезалхочун, цар ва царех хьаваьнна кхы а вийтта дезалхо- дукха безш бола  даь-нана, даь-да ба уж. Мархенаькъан дезал дика масала да нийса кхетам луш саг хьалкхеве хара, Даьхен дола доккха дика из хилара.