Дика тӀехье
«ГӏалгӀайчен «Хьалхарчар болам» кагирхой политика йоаржаеш ба
Маьтсела бетта 19 ди белгалон ди да вай мехкарча къонача активисташта. Тахан Россе белгалдеш да берий юкъарлон цхьанкхетарий Ди. Из да вай сийрдача советски Ӏадаташка юхадугаш дола цӀай, цу хана СССРе пионерий Ди дар белгалдеш. Из цӀай массанена дагаух; цӀеча галстукаца, дешара доттагӀалца, дикача гӀулакхашца, эггара сийрдагӀа долча деношца нийсдеш.
Вай хана гӏорбаьнна бувцаш ба Коталон волонтёраш, лораш-волонтёраш, хьалхарбараш, аьрзелгаш, къона эскархой, иштта кхыча берий юкъарлоний викалаш.
«Оаха новкъостал ду берашта, кагирхошта дегӀааха, новкъостий лаха, шоай начӀал гучадаккха, керда таронаш дегӀайоалае. Доакъашхоша, хьехамчаша, даьша-ноаноша, волонтёраш цхьана болх дӀахьош хиларах хьакхолл йоккха юкъарло», - аьлар «Хьалхарчар болам» яхача моттигерча отделене кулгалхочо Албохчанаькъан Маринас.
ГӏалгӀайчен Хьалхарчар хӀара денна кагирхой политика дегӀайоалаяра юкъе дакъа лоац. Цар лоархӏаме дакъа доалл юкъарлон унахцӀена уйла хьакхолларах, Даьхенцара безам лакха хиларах, моллагӀа дола гӀулакх дӀадахьа кийча хиларах.
2025 шера, «Хьалхарчар боламо» дӀайихьар 150 сийрда кхетаче, цига дакъа лоацаш вар 44 000 саг. Тахан цар дика вӀашагӀделлад волонтёрий гӀулакх, хӀаьта хьалхарчар доакъошта новкъостал ду гранташ хьаэца «Хьалхарчар болам», «Роскагирхой» яхача яхьашка гӏолла.
Хьехамчаша, даьша-ноаноша, даьй юкъарлоно бераш даим хьаллоацаш хиларо дика кӀийле ю юкъарлон хьал хьакхоллара, из нийса дӀадахьара.
«Берий юкъарлон доакъашхой массане а аьттув балба дика, безаме вахар дӀадахьа! МайрагӀа хила, шоашта хетар тешшамегӀа леладе, шоай вахара дика гӀулакхаш юкъедаха»,- аьлар берашка Хьалхарчар моттигерча даькъа кулгалхочо Албохчанаькъан Маринас.
