«Ши моттиг вӏашагӏкхетаро таро лургья дикагӏа пайда болаш, вахаре гӏо ду хаттараш кхоачашде, лорий новкъостал лоаттаде, уж бахача моттигашка дӏа а ухаш, цар оагӏув  хьаллаца. Шоайла бувзам лелабе чӏоагӏо яро белгалду, Даьхе бахьан шоай декхар дизза кхоачашдеш латтарий хьашташка хьажара юкъарло а паччахьалкхе а терко еш йолга.

Тайп-тайпарча моттигаша цхьана болх дӏахьош хилар, паччахьалкхен хьал чӏоагӏдалара лоархӏаме оагӏув я, царна дикагӏа дола вахара хьалаш лахара», - аьлар тхоца къамаьл даьчо.

Даьхен бӏухой дезалий Комитет, «Даьхен лорабой» паччахьалкхен ганза моттигера филиал цаӏ хинна дӏаэттар Даьхе лораераяра, цар гаргара нах хьаллацара гӏулакх дӏахьоча. КСВО керттера дакъа дӏалоацаш я  бӏухой дезала  эхь-эздела, бокъоний оагӏув лораяр, цо новкъостал ду эггара чоалханегӏа дола хаттараш кхоачашде. Ший оагӏорахьара «Даьхен лорабой» ганзо ӏалашо ю ветераний массайолча оагӏон терко лоаттаеш хилара, царна лорий новкъостал, вахара а ахчан а хьалаш лоаттадара: могашал тоаяра, уж бахача моттигашка дӏаухаш, царна доагӏаш дола ахчаш дӏадалара, кхыча даькъ тӏара  дешар царна ӏомадара.

Иштта бувзам лелабаро таро лу республикан пайда луш бола болх дӏабахьа, хӏара саг бокъо йолаш ва профессиональни новкъостала. Цу тайпара вӏашагӏбеллача балха даькъ тӏа белгалйоалаш я цхьа оагӏув - Россе хьашташ кхоачашдеш латтарашта терко яр, иштта цар дезалашта тешшаме кхоане хилийтар. Цул совгӏа, барт баьраша низ вӏашагӏтохаргба дагалоаттама кхетаченаш дӏахьоча, Даьхен бӏухой турпала гӏулакхаш сийленгашца чӏоагӏдеча. Из да кхувш йоагӏача тӏехьенна  патриотически кхетам балара кӏийле еш хилар, цхьа дезал бусаргбац йоагӏаш йола терко йоацаш.

Бартчӏоагӏама кулг яздар лоархӏаме да Гӏалгӏайченна. Цо къаьгга хьагойт ӏаьдал, юкъарлон организацеш  юкъара цхьа гӏулакх дӏадахьара кийча хилар. Цо чӏоагӏду Даьхен лорабой хьаллоацаш хилар, из тахан керттера таронаш вӏашагӏтоха езаш дола лоархӏаме дош да.

Паччахьалкхен ганзо, юкъарлон комитето хьакхолл бӏухошта хьалхашка нийслуш дола  чоалхане хаттараш кхоачашду чӏоагӏа кӏийле.  Цу тайпара барт хиларо, цхьана болх бе кийча хиларо деш дола новкъостал а овсаре хулийтаргда, иштта барт- цхьоагӏо хилар гойтаргда.