ДӀадахача шера Ӏан шоллагӀча бетта дӀайихьача Ӏомабалара семинарашка дакъа лоацаш хилар 100 совгӀа тайп-тайпарча моттигашкара психологаш, гӀо деш лелараш. Кагирхошца болх бара тӀехьа лакха говзал йолча психологаша вӀашагӀъехкар кхетаченаш. Царна юкъе бар Чахкенаькъан Ӏаьла, ГӀулой Амина. Ӏарчакханаькъан СаӀида белгалдир, доакъашхошта боккха пайда беш, берашца, кагирхошца мишта дувца деза гойташ, нийсача уйлан тӀа саца гӀо деш, семинар хиннилга. «Кхетаче - Театр» яхача оагӀонцара дешар довзийтар эггара керттерчарех лоархӀ проекто. Тахан наха юкъе даьржа латтача зуламех, халача хӀамаех дукхагӀа дувца, пайда бергабараш юкъекхувла аьттув лу цу хӀамо.

«Тахан массанена хало еш долча цу доккхача зуламашта духьала малагӀча тайпара къовсам лоаттабе беза дувц семинара доакъашхоша», - аьлар Ӏарчакханаькъан СаӀида. Цо теркалдечох, вай къаман юкъе доккха дика кхоллаш хургья из проект. «ХӀаранега шийна нийсагӀа, пайданегӀа хетар хьаоалийт цо. Наха юкъе фу доаржадича, малагӀа наькъаш хьаллаьцача пайдане хургда ала йиш я цига», - тӀатехар СаӀида.

Проекта эггара керттера декхар - психологи, гӀо деш леларий цу хӀамашцара кхетам чӀоагӀбар, кагирхошца болх беча хана фийла хилийтар. Тайп-тайпарча моттигашца, юкъарлон оагӀонца, Ӏаьдалца бувзам лоаттабеш дӀахьош хилча, цу балхо дикка тоадергда аьнна хет кагирхошта юкъера гӀулакхаш, цар уйлаш, нигаташ. Колледжашка, иштта кхыйолча дешара моттигашка семинараш дӀакхахьа кийчлуш ва тахан СаӀид.

500 совгӀа вахархо хила тарлуш ва, Ӏомалуча дакъа лоацаш. Къаьстта таханарча хана, чӀоагӀа лоархӀаме да кагирхошца иштта болх дӀакхахьар, цар сакхетам тоабар, нийсагӀа дола наькъаш царна довзийтар, зулам доаржадераша уж тувлабергбоацаш ха дезараш довзийтар.