Дии эхьи доацараш
Цхьа боккха тӀом ба нувхашта гонахьа Наьсаре болабаьр
Наьсарерча администрацен болхлоша шоай телеграмм-оагӀон тӀа язду; эхьи бехки цахетараша духхьал шин дийнахьа Ӏоаяь нувхаш дӀайоахаш боахкача ЖКХ болхлоех. ХӀаьта из ийрча гӀулакх доаржадаьд дукха ха йоацаш «Кхераме доаца дика наькъаш» яхача къаман проектага гӀолла куц эргадаьккхача Шаймиев М. цӀи лелаеча урам тӀа. Цхьаккха хӀамах эхь ца хетача, адамаш да ала хала долча цу наха яхаш санна хет: хозача оагӀорахьа вахар тоадеш да шо, ер да шоана!
Дии эхьи дайна ба ца аьлча, фу аргда иштта болчарга?! Цар дегӀаца эзделах хӀама даларе, АллахӀа бӀех ма де яха лаьтта бӀехдергдацар цар, къематдийнахьа АллахӀа хоаттаргбола наьха болх боабергбацар.
Жоп-м дала дезаргда! Наьсарерча кулгалхоша даггара цу ийрчача гӀулакха духьала къовсам лоаттабешшехь, кхаьч-кхаьчача нувхаш Ӏоувттаераш кӀезиглуш бац.
Кхайкарал ду бахархошка: «Мехках дог лазаш бола лоархӀаме бахархой! Дага мел дехача нувхаш йоаржаеш лелараш шоашта бовзе, боккъал а хоам бе тхога! Вай дерригаш цхьана оарцагӀдаьнна совцабе безаш ба уж эхьи юхьи доаца нах!»
