Дарба дечул дикагӀа да, лазар хьалатаргдоацар дича
Мехкарча бахархошта юкъе, лазараш даржаргдоацаш, болх ба дӀахьош
ЛаьрхӀа кийчъяьча машинашца хӀара юрта дӀа-юха ухаш, бахархошта юкъера лазараш гучадоахаш, болх дӀакхихьар мехкарча лораша. Цу юкъе бар массайолча оагӀорахьара лораш - офтальмолог, терапевт, маммолог, кардиолог, иштта кхыбараш а. ВӀалла хӀама лазаш беце а, лорашта тӀабаьхка шоай дегӀа хьал тахка ловш бар нах.
«Из чӀоагӀа атта хӀама да. ЦӀен юхе да, цул совгӀа, мах бала а безац. Хьай дегӀага массавола лор хьажийта, унахцӀенон хьал ма дарра довза йиш я. Иштта хилча-м массане а безам хул чакхбала», - дувц бахархоша.
«Цу тайпара, хӀара юрта дӀаухаш, болх баро лазараш хӀетта хьакхийттача хана гучадоах, хӀаьта из чӀоагӀа лоархӀаме да.
МоллагӀча лазара дарба де аттагӀа да из кӀоаргдалалехь. Из деррига кхетадеш, бахархой чакхбала хьатӀаухаш хилар гӀадвугаш да тахан», - белгалду лораша.
Геттара дика хет, ха яха нах из беркате гӀулакх хьаллоацаш хилар, шоашка кхайкача хьатӀабахкар. Цу мугӀарера нах чӀоагӀа баркал яхаш, ловцаш доахаш хул иштта хӀама юкъедаккхарах.
Ха яхача наха доккха совгӀат ма дий, гаьна дӀабаха ца безаш, шоай цӀен гаьна доацаш массаболча лорашка чакхбала йиш хилар. Могаш, маьрша болаш боахаболба уж Дала дуккхача шерашка!
