Кхолламо новкъостал ду сага  кӏоаргагӏа довза гонахьардар, ший эггара кӏоаргагӏа йола уйла ха, вахаре шийна безаш бола никъ хьаэца. Цу гӏулакха Гӏалгӏайче хьалъяьй исбахьален дешара пайда луш йола оагӏув, хьаелл къона, тамашийнача дуненга вугаш йола наӏараш.

Тахан республике из дика гӏулакх дӏахьош я  ийс паччахьалкхен моттиг. Царна юкъе я керттера лоархӏаш   кхоллама говзала колледж, из боккъонца бола профессиональни болхлой кхебара пхьоалле я. Цун дика новкъостал деш я  Берий искусствай ишколаш, исбахьаллен ишколаш, уж я тахан вай республикан  тайп-тайпарча миӏингашка. Цига лакха говзал йолча хьехархоша, хьехамчаша шоай дешархошца декъ къаман ӏадаташ, берий безам тӏабохийт дунен культуран тӏехьаленна.

Цу балха толамаша хьагойт малагӏа болх царца дӏахьу. Чакхдоалача дешара шера чаккхенга хьежача, кхоллама классашка, республикан пхьоаллешка ши эзар гаргга саг ва дешаш. Царех хӏаравар -  хургвола ашархо, суртанча, халхарча е актёр. Кхоана цар шоай мохк, зӏамагӏа йола Даьхе хестаергъя ерригроссийски, халкъашта юкъерча сценаш тӏа.

Ийс дешара центр дика гӏулакхаш хьакхоллара кийча я, цига чӏоагӏду Гӏалгӏайчен хургдар, цун культуран кхоане.

Вай республикан начӏал дола бераш кхоллама эггара   лакхагӏча моттиге латт. Цар шоаш хьагойт, къаман культуран тӏехьале хиларах тарра, майрра оаз йохийташ.

700 совгӏа Гӏалгӏайчен дешархой  ба яхьашка, фестивалашка дакъа лоацаш, цар хьагойт  начӏал, низ, денал, искусство езаш шоаш хилар. Вай берий хӏара сцена тӏа баларо цар Даьхенцара безам цӏенхашта болга, шоай начӏала боарам лакха болга хьагойт. Лоархӏамечарех яр Халкъашта юкъера «Сфорцандо» яха къонача концертмейстерий яхь, цига вай бераша гойтар лакха дикал йола ашарий оагӏув, илли  дӏаалара говзал, сцена тӏа чоалхане кхоллама къамаьл шоашта дӏадахьа ховш хилар.

«Абилимпикс» чемпионата моттигерча даькъ тӏа Гӏалгӏайчен къонача начӏалашта  хайра, моллагӏа йола халонаш тӏехьайита йиш йолга дӏагойта, котало яккхара бола  безам боккха хиларах ший тамашийна гӏулакхаш кхолла.

Гӏалгӏайчен дешархоша дика дӏагойтар шоаш кийчо яь хилар «Россе бераша дӏаоал» яхача Ерригроссийски ишкола хора фестивале, ладувгӏаш хиннарашта шоай хоза оазаш дӏахозийтар, ала хӏама доацаш, дика цу хора цхьоагӏо хилар белгалдоалаш дар цига.

Лоархӏаме дар республикански къонача кхолламхой  яхьашка хьажар, суртанчашта хайра  кердача кхолламца жюри цецйоаккхаш шоай таронаш хьаелла.

Уж а кхыдола а толамаш дахар - из да бераша, кӏаьд ца луш, дика къахьийга хилар, бакъда даьша-ноаноша  уж хьаллацар а керттера да. Лоархӏамеча майдаш тӏа коталонаш йоахаш, Гӏалгӏайчен къонача начӏалаша шоай говзал лакхъю; цул совгӏа, цар язду ерригача республикан  культуран сийрда истори, цу юкъе шоашта кхоллама говзал геттара чӏоагӏа езаш хилар гойташ.

Дӏадахача шерашкара толамий лард чӏоагӏа хиларах, карарча шера Гӏалгӏайчено хьаелл  исбахьален дешара  керда оагӏув. Цо ший аргӏагӏа таро лу кердача тӏехьенна  таронаш йоаржае, уж вай кхувш йоагӏача тӏехьенна йита.

Кердадараш юкъедахара керттера оагӏув лаьрхӏа я,  къонача начӏалашта кхы а дукхагӏа таронаш яла. Кердадарий дешара программаша, гӏалгӏай къаман ӏадаташа, мах бола  культуран хьалхале лелаеча оагӏонаша тӏахьех уж шоайла вӏашагӏтохара. Керда  балха тайпаш хьаделларо таро лургья дикагӏа леладе таханарча заман хьалаш, цунца цхьана моттигера кагирхой кхоллама оагӏув а йоаржае йиш хургья.

Тахан къонача суртанчий, ашархой, артистий дешар дегӏадоаладар - из лоархӏаме гӏа ба, цо кастлуш республиканна йоккха котало яхьаргья ерригроссийски боараме, иштта лорадергда Гӏалгӏайчен сий, вай  хургдолча ноахалашта.