Республикан «Даьхен бӏухой» яхача ганза чудоагӏаш, лаьрххӏача операце бӏухошта новкъостал дара, цар могашал меттаоттаяра деш дола гӏо да из. Из кхетаче хилар; Гӏалгӏай Республикан лораш-ортопедаш, иштта техникаш-протезаш хьаераш цхьана вӏашагӏкхийтта.

Хьалхарча аргӏагӏа лораш хьажаро, протезаш оттаяра бӏухой кийча бий харо таро елар из болх дикагӏа вӏашагӏболла.

Из лоархӏаме да, цу тайпара хьехамаш дӏадахьар, мишта болх вӏашагӏболларгба, малагӏа протезаш хургья бӏухошта цар дӏагойташ хиларах. Иштта ганзо хьаллоацаш болча бӏухошта хьалхадаьккхар цар, могашал меттаоттаяра лораша де лерхӏар.

Заӏапхой даькъ тӏа вахарца бувзабенна болх лелабеш йолча Беканаькъан Мадинас яхачох, цу тайпара дӏа-юха болхаш, лораша хьехамаш деш хилар лоархӏаме да, хӏана аьлча цо таро лу лоаццача хана бӏухошта дикача протезашца ӏалашо е.

Цунца цхьана, арахьара хьабаьхкача лораша, хӏара унахочунна ший белггала йола план оттаю. Хӏаьта ганза болхлоша шоай аргӏагӏа протезаш дӏаоттаяь яллалца болх бергба, ветеранашта уллув болаш.

«Хӏаранеца ший къаьстта болх дӏахьош хилар укхаза лоархӏаме да. Протез - из духхьал гӏирс хинна ӏац, из таро я машина лелаяра, ше лела могаш хилара йола, спортацара хьалаш леладара. Тха вахарцара болх лелабераш а, из хӏара даькъ тӏара болх дӏахьош царца цхьана хургба. Оаха баркал оал говзанчашта, уж иштта болх дӏабахьа кийча хиларах, тха хӏара бӏухо тешаш шоай кхоане сийрда хиларах», - аьлар «Даьхен лорабой» ганза филиала кулгалхочо Оздой Муслима.