Аргӏ-аргӏагӏа ду хувцамаш
Шолже дӏахьош ба юкъарлон доазонаш тоадара болх
Суворова урамах бахача наха дика хезад, доккхий догӏаш дийлхача хана наха зе даьнна хиларах. Укх дукхача шерашка, хий дӏадодаш цахилар бахьан долаш, догӏаш дийлха хьаӏайна хиш наькъ тӏа сецаш дар, цу юхе гӏолла дагӏача наьха цӏеношка, коашка чудувлаш. Из хаттар кхоачашдара, еха турбаш хувца лаьрхӏар цига.
Кхоачамбоацараш нийслуш долча урамах цаӏ ба цу шахьаре хӏанз тоабеш латтар. Дӏахо ӏаьдало лаьрхӏад бӏеха хиш дӏаухаргдола моттиг хьае. Юххера, уж балхаш чакхдоалаш, укхаза асфальт ӏобулларгба, цунца цхьана хьакхолл цу урамах бахача наха эшаш дола хьалаш а.
Болхлой тоабанна хьалхашка кхоачамбоацараш нийсделар Колхозни урам тоабеш. Хьалха цу даькъ тӏа газ дӏатӏахьош болх баьбар, из бахьан долаш никъ дикка бохабир. Доал деча даькъ тӏарча ӏаьдало хьаллаьцар бахархой, судага гӏолла из хаттар къоастадеш. «Газпром межрегионгаз» ООО чотах из никъ тоабергба.
Укх деношка, болхлой тоаба дӏайолаелар къаьнара наькъа оаса хьалбаккха. Цул тӏехьагӏа керда кӏийле ергья, цу тӏа асфальт ӏобулларгба. Тоабе беза никъ бӏаьха ба 1 км, шера ба 6 м.
Говзанчаша яхачох, ара хаоттам дика хуле, ремонт яь яргья аьтинга бутт чакхбоалаш.
