Баьча балха лерхIам бир
«Сердало» газета журналистá, библиотекай болх бовзийташ къахьегарах, майдилг елар
29.05.2023 11:55
Вай къаман библиотека кулгал деш йолча, цIихезача культуран болхлочо ГIазданаькъан Радимас, библиотека болх массарашта дIабовзийташ къахьегарах йола майдилг елар, «Сердало» газета вовзаш волча журналиста ГIазданаькъан Ахьмада.
Из кхетаче хетаяь яр, библиотека 30 шу дизара. ГIазданаькъан Ахьмада дукха къахьийгад, къаман библиотеко дIахьош бола болх газетага гIолла мехкахошта дIабовзийташ. Ший декхараш дизза кхоачашдеш, бехктокхаме ший болх дIахьош, хьавоагIа из дуккхача шерашка. Библиотекай балха гIо дарах йола майдилг елар, цу наькъ тIа хьинаре, кIаьд ца луш лаьттарашта. Иштта из майдилг укх шера кхаьчар, Россе турпал волча Осканаькъан Сулумбика вахар довзийташ йола музей хьакхеллача, цIихезача хьехархочун Гарданаькъан Абузара Маликайна.
