Ӏилманхой лерхӀамаш хьаллаьцар парламента кулгалхочо
Къаман гуллама кулгал деча ТӀумхой Мухьмадаца кхетаче дӀайихьар Ӏилма-тохкама института кулгалхо волча Харсенаькъан Бориса, исторех болча оагӀон хьалхалаттача Албохчанаькъан Азамата. ВӀашагӀкхетаре цар дийцар Ӏилмахи Ӏилман-технически балхахи долча республикерча закона проектах.
«Федеральни, республикански оагӀонаша оттаяьча бокъонашта тӀатовжаш, Ӏилман балхаш дӀадахьар дийцар гулбеннараша. Вахара-экономически политикан оагӀон керттердараш цар хьагойт, паччахьалкхен Ӏилманцара, Ӏилман-технически балхацара бувзам, гӀулакх, кхоачашде дезараш, Ӏилман оагӀон хьал тоадергдараш белгалду», - дийцар тха «Сердало» газетага Халкъа Гулламе.
Ӏилман болхлоша мел хьоахадаьр хьаллоацаш, къамаьл дир ТӀумхой Мухьмада, вай къаман Ӏилман гӀулакх лакхача лагӀа тӀа доаккхаргдараш юкъедоаладе деза, аьнна, соцам бир.
