СКФО дикагIбараша Коталон йоккха байракх йоаржаергья вай мехка
Берий тIема-спорта ловзараш дIахьоча даькъе СКФО дикагIбараша Коталон йоккха байракх йоаржаергья вай мехка. Цу тайпара хоам «Сердало» газетага бир, из гIулакх вIашагIделлараша.
Берий тIема-спорта ловзараш дIахьоча даькъе СКФО дикагIбараша Коталон йоккха байракх йоаржаергья вай мехка. Цу тайпара хоам «Сердало» газетага бир, из гIулакх вIашагIделлараша.
«Кхоане лораергьяраш» яха кхетаче дIаяхьа лерхI вай республике 6-ча, 7-ча деношка. Республике гуллургва Къилбаседа Кавказа моттигашкара 200 совгIа хьинар дукхагIа дар. «Дешар» яхача къаман проектага гIолла дIахьош болх ба из.
«Кхоане лораергьяраш» яхача кхетачено гулбаьраша тIема кийчо еш шоаш Iомадаьраш дIа-хьа эцаргда. «Коталон байракх» яхача боламе дакъа лоацаш, йоккха Коталон байракх йоаржаергья цар», - йоах тхогарча хоамо.
Из кхетаче вIашагIъеллача Хьулахой Ахьмада теркалдечох, иштта долча ловзараша Къилбаседа Кавказерча кагирхошта юкъера барт, безам чIоагIбу, вIаший бувзамаш леладайт.