Вай цаӀаш да, цунга хьежжа лоархӀаме дола цӀай дездеча а берригаш гӀадбахе гуллу. Цу денна хетаяь, Россе къамий даараш довзийташ йола кхетаче вӀашагӀъеллар Миннаца болхлоша. Цу гӀулакха раьза хилар адам даарашта санна. Гаьнарча, юхерча Россе миӀингашкарча наьха къаман кхача миштаб хьожаш, из мишта кечбе беза хоатташ, цӀихезача даараш кийчдерий истори довзаш, уж даараш мишта, маца хьадаьннад хойтача исторега ладувгӀаш, ха дӀайихьар наха. Республикерча пхьарий Ассоциаценна тӀадежадар доккха гӀулакх массахана санна. Лакха начӀал дола говзанчаш болаш, хьабоагӀа уж вай бӀаргашка.

ХьатӀабаьхкарашца бувзам чӀоагӀбеш бар уж. Къаман боккха толам ба ала йиш йолаш да тахан цар хьакхелла балхаш, хӀаьта деррига а шоай гӀулакх дика дӀахьош хилар да. 24 оагӀув чулаьцар Ассоциаце, цӀай долча моттиге. Шолжа-Шахьарерча майдане доаржадаьдар дошо хӀамаш хьаерий балхаш, дахчах хьаяь тамашийна хоза хӀамаш, иштта кхыдараш а. Гойтама болх дӀахьоча гучабаьлар керда говзанчаш. Ӏомабала безам бараш а дукха бар цига, цудухьа говзанчий го шербала мегаш ба, йоккха юкъ ялалехь. Кулгкара хӀамаш хьаеча говзанчашца къамаьл дувца ловш, тайп-тайпара хаттараш доашхаш бар нах.

«Тоабан декхар духхьал хӀамаш дӀагойтарах латташ дацар, гулбеннача наьха самукъадаргдолча тайпара, цар дегашта тоам беш хила везар кхетаче»,- дийцар тхога пхьарий Ассоциацена хьалха латтача Галай Адама. Шахьарерча культуран Двореце гулбеннарашта концерт оттадир Паччахьалкхен филармоне артисташа. ЦӀихезача Охценаькъан Розайгара хӀетта хьалкхийттача седкъилгага Хьаьшанаькъан Лолитайга кхоачаш, дӀадодаш дар концерт. Даьхе хестаеш, цун исторех дола иллеш хозача хана бӀаргашка хий отт… Ираз да вай массане, беркатеча даьй лаьтта даха йиш йолаш. Машар, нийсхо, беркат, ираз, аьттув латталда вай йоккхача Россе массадолча шерашка!