Мехкадас шийна хетар аьлар Фуртуогера гӏалаш меттаоттаярах
«Фуртуога истори гӏалаш ярал дуккха а хьалхагӏа хиннад. Тоахкамаш дара балха тӏа гучайоалача белгалонаша хьагойт, дуккха бӏаьшераш хьалха укхаза нах баьхалга. Цу моттигера хьадаьнна да Ӏоахарганаькъан, Лаьнанаькъан, Боранаькъан тайпаш.
Вай къаман хьалхара дийша саг, этнограф ӏоахарганаькъан Чхьагӏа вахар а цу моттигашца дувзаденна да. Цо гӏалгӏай къаман истори, культура, ӏадаташ лорадара доккха дакъа юкъеденад. Фуртуога истореца къаьстта йола моттиг дӏалоацаш ба цӏихезача эрсий ӏилманхочун Менделеев Дмитре дагалоаттам. ХӏХ бӏаьшере из хилар цу моттиге, Кавказ ӏомаеш хиннача ӏилман экспедицена чувоагӏаш.
Тахан Фуртуог, иштта Менделеева цӏи лелаю кхуркхолг лоаман Гӏалгӏайче эггара дикагӏа бовзачарех ба. Геттара дика хет из ше морг кхы йоаца моттиг тахан кердаяьккха. Боккха меттаоттабара болх дӏабихьачул тӏехьагӏа, тоаяьй тӏема, ах тӏема гӏалаш (вӏовнаш), пхиъ нах чубаьха гӏала, иштта маьлхара кашамаш, кхыйола моттигаш», - аьнна яздир Келаматанаькъан Махьмуд-Ӏаьлас ший телеграм-канале.
