Келаматанаькъан Махьмуд-ӏаьлас кодам бир, Шебекине хатар хилар бахьан долаш
Гӏалгӏайчен кулгалхочо Келаматанаькъан Махьмуд-ӏаьлас кодам бир, дег чура хьал а лаьцар Белгородски областа губернатора декхараш кхоачашдеш волча Шуваев Александрага, иштта берригача бахархошка; Шебекино оалача шахьаре хатар хиларах.
Аргӏанарча къизала юкъе нийсбелар хӏама гунахьа доацаш, шоашка гӏолла автобусаца болхаш хинна маьрша нах: кхалнах, бераш. Гӏетташ йола аппарат чутехар йодаш йолча автобуса чу. Нах байра, дукккхачарна човнаш хилар, царна юкъе геттара хала бола унахой а ба.
«Республикан бахархой цӏерагӏа, къаьстта сайгара уж сихагӏа берзар лов сона. Эшаш дола новкъостал де кийча да»,- аьлар Келаматанаькъан Махьмуд-ӏаьлас.
Гӏалгӏайчен Кулгалхочо белгалдир, цу хало кхаьчача дийнахьа Белгорода бахархой цхьаь бац- цар бала, лазар декъаш ба Российски Федераце массайолча моттигашка мел баха нах.
Цу тайпара хало, бала тӏабеча нах цаӏаш хиле дӏаовтт, къаман цхьоагӏо хилар гойташ. Махьмуд-ӏаьлас белгалдир, дукхача къамах латта российски халкъа низ, цун денал юхатохаргдолаш цхьаккха а низ а е кхерам а бац.
