Пьезоподжиг йола горелкаш кхераме йолга хьалхадоах МЧС болхлоша
Пьезоподжиг (пӀелг тоӀабича лоталуш) йоалла газацара горелкаш бахьан долаш, царцара болх харцахьа лелабарах; газ ийккха ши хатар хиннад мехка тӀехьарча хана. ДӀабахача бетта 28-ча дийнахьа Инаркъе хиннача хатарах лозабаь бада нанеи бархӀ бутт баьнна бери. МЧС болхлоша дехар ду бахархошка, боккъал а цу хӀамашцара гӀулакх лоралуш леладе, яхаш.
«Горелка мишта лелае еза? Ӏайха хьа мел эцача хана хьажа веза, ийккха, еха, шланг телха хӀама дий. Царех цхьа хӀама оашош зийнадале, из ца лелайича нийсагӀа да.
Горелкаца болх бар, масала, котамаш марцар арахьа е фо дикка чудоагӀача моттиге хила деза, хӀана аьлча газ цӀагӀа сиха хьаӀов. Болх беча хана цӀера гаьна хила еза горелка, хатар хургдоацаш.
Йоагаш йола горелка тӀахьожам боацаш йита йиш яц цӀаккха. ТӀоадал йоацача моттиге уллае еза из; берашта, йӀовхала гаьна хила еза. Боккъал а лораде уж хӀамаш», - белгалду МЧС болхлоша.
