ГӏалгӀайчен МЧСа дакъа лаьцар, тоадаь сийленг хьаделлача
08.05.2025 17:26
ГӏалгӀайчен МЧСа болхлой дакъа лоацаш хилар МагӀалбик йоаккхаш лаьттача бӀухой сийленг-мемориал тоадаьчул тӀехьагӀа хьаделлаш.
Из сурт оттадаьд, МагӀалбик йоаккхаш бейна Цӏеча Эскара бӀухой дӀабехка бохкача моттиге.
«Гулбеннараша цар сий дир, йист ца хулача минотаца, цига зизаш а даьхкар Цӏи йоацача салтечун каша тӀа.
Полице болхлоша лаьрххӀа шатлакх гойтар, топаш техар бейнача бӀухой сийна.
Цига къамаьл деш, МагӀалбик шахьаре а, МагӀалбикан кхале а гӀолла хьехама балха а, тӀахьожам лоаттабара отдела а кулгалхочо Котанаькъан Ахьмада тӀахьийхар турпалхой цӀераш йиццаяра, уж ноахалгара ноахалга кхоачаш лелаяра», - аьлар «Сердало» газетага ГӏалгӀай Республике гӀолла йолча Россе МЧС ГУ.
