ЦӀерцарча хатарех лорале, яхаш, кхайкарал ду МЧС
БӀаьстан денош хӀетта мара хьаэттадеце а, йокъаенна баьцаш летаярах хулаш дола цӀерцара хатараш даржаш латт. МЧС болхлоша кхайкарал ду бахархошка, боккъал а лорае из оагӀув, яхаш! ЦӀераш ювлара эггара чӀоагӀагӀа даьржа дола бахьан - цӀерцара гӀулакх тесса леладар, лоралуш цахилар.
Даггара дехар деш латт, боккъал а ма летае кхаьч-кхаьчача цӀераш, йоакъаенна йоархӀаш, нувхаш лотайийя юхера гаьна ма дувла, яхаш. ЦӀи сиха дӀа-хьа ярж, тӀаккха хьахул хийла сага вахар а хоададеш дола доккха, унзара хатар», - йоах МЧС.
Бахархошца массахана бувзам лоаттабеш, кхетаченаш дӀакхухьаш, шоашта могар ду МЧС къахьегамхоша, цӀерцарча хатарех лорабе гӀерташ, деррига хьалхадоахаш. Бакъда бӀаьстан-ахкан ха хьаэттача, нах фийла цахиларах, уйла ца еш хиларах яьржа цӀераш йоае арабовла безаш хул.
Боккъал а дита йокъаенна баьцаш летаеш дола гӀулакх, оашош нувхаш лотаяьяле, уж яьга яллалца, цӀера товнаш дӀа а йоайий мара, юхера дӀа ма аха!
