ЦӀермашиннаькъа вокзале, хатарашта духьалара шоай кийчо гойташ хилар МЧС
16.04.2024 10:12
ЦӀаьхха, цӀи яьнна хатар ийккхача, шоай де дезар гойташ хилар цӀермашиннаькъа вокзале, МЧС болхлой. КӀурах йиза латтача кабинетера, нах арабаха безаш бар уж. Из хоам «Сердалога» бу МЧС. Вокзал эггара дукхагӀа нах гуллуш йола моттиг я, цунга хьежжа, цӀи яьнна болх хуле, шоай де дезачун сурт довзаш хила беза цӀи йоаераш.
БоаггӀача боараме чакхдаьккхар шоай гӀулакх говзача МЧС болхлоша. «Болх йистебаьлча, деррига доашхаш кхетаче дӀайихьар. Теркалдаь цхьаццадола кхоачамбоацараш мишта юстардаха деза белгалдир кхетаче», - дийцар МЧС.
