Дешара моттиге аргӀанара Ӏомалу болх дӀахьош хилар МЧС
05.09.2024 12:55
ЦӀи яьнна хатар хилча, мишта хьовза беза хьехархошта, берашта дӀахьокхаш, болх дӀабихьар МЧС къахьегамхоша Магасерча дешара моттиге. Из хоам «Сердалога» бир МЧС.
ГӀишлон чура беррига нах арабаьха, дӀабихьар из болх. Хьехархошта де дезараш хьалхадаьха, цӀи яьлча эшаш дола гӀирсаш шоай моттиге дий хьежар МЧС. Хатар хуле, царца болх мишта бе беза дӀагойтар цар.
«БоаггӀача боараме, дика дӀабахар из болх. Белгалде деза, иштта дӀакхухьача балхо наха боккха пайда белга. ЦӀи яьнна хатар хуле, корзагӀбаьнна, беха ца а хьувзаш, шоай фу де деза ховргда царна, хӀаьта из лоархӀаме да моллагӀча хатара юкъе», - белгалдир МЧС болхлоша.
