«Магас» аэропорта цӏерцарча кхерамзлен хьал тохкаш хилар мехка
29.07.2026 10:43
Осканаькъан Сулумбика цӏерах йолча «Магас» аэропорта кхерамзлен хьал тахка арабаьлар тахан, мехкарча МЧС болхлой. Цӏаьхха, хила тарлуча цӏерцарча хатара духьала уж мел кийча ба хьежар МЧС. «Сердалога» из хоам кхаьчар цу моттигера.
«Аэропортера цӏерцарча кхерамзлен оагӏонцара болхлой, иштта цар машинаш массахана кийча хила езаш я. Цу оагӏонца дувзаденнараш малагӏча хьале да, болхлой кийча хилар мишта латт хьежар аэропорте.
Болхлошта хьалхадаьккхар, цу гӏулакха массахана лакха терко лоаттае езилга. Моллагӏча, цӏаьхха, нийсдала тарлуча хатара духьала кийча хила безилга», - йоах тахан тхога кхаьчача хоамо.
Дӏабихьача тохкамо хьагойтар, «Магас» аэропортера хьал хила боаггӏача боараме долга, уж лерттӏа кийчо яь болга.
